豬欄生活: [高雄遊記] 第五天打風日

2012年8月18日星期六

[高雄遊記] 第五天打風日

今日是6月20日, 雙颱風殺到台灣南部了, 就等如是香港的八號風球, 差不多全台停工停課....

好彩一早上網研究過, 大百貨公司還是開的, 我們只好將今日所有行程都安排在室內~

去了搭捷運, 係好方便又舒適的交通工具, 因為永遠搭的人不多, 不會有香港那種成棚人衝上車的場面~
地上排隊的指示, 其他的設備都超完善~

我們去了三多商圈站, 周圍有很多大百貨公司,
不過先去醫肚, 之前 plan 行程時發現了這家順億吞拿魚專門店,
他們有自家的船隊出海捉吞拿魚, 大部分出口, 後來自己開了門市店

如果外賣, 係咪叫外服呢?

半熟吞拿魚, ok 啦

壽司比較好, 我們要了中等的 Toro, 有魚油的滑口感~

之後過對面的大遠百貨

第一次在台灣睇戲! 是 Angelababy 同趙又廷主演的「第一次」,
我想話呢套戲真係好好好睇, 劇本好, 場景靚, 感人到喊晒.....

全院得幾個人, 像包場!!

之後見到機鋪, 入去玩我們最愛的飛碟球,
9 比 7 , 我勝了波比先生, 哈哈哈!

之後一路行去中央公園站, 都冇乜舖頭開,
我們又去了喝咖啡, 是一間叫「亨利咖啡」的店, 當地也很有名氣

聽到這名字, 一定會想到入面有位叫Henry 的帥哥在沖咖啡同拉拉花

對唔住, 各位要失望了, 原來入面有的是一位 auntie, 是三女之母 (三女因打風在店內玩耍),
我們都真係有D O 咗咀, 但 auntie 原來好鬼勁喎, 好似唔洗諗合埋眼都拉到花出嚟, 啞咗.....

飲完咖啡, 我們行去愛河邊, 其實都有點橫風橫雨, 見到小教堂~

河邊真是有十級的風力, 浪打得很高!!
我本來是想看看痞子英雄的酒吧, 但所有舖頭都冇開門.......

再兜回酒店, 行了有四公里的路, 吹爛了兩把遮!!

在酒店攤抖完, 再博一博去六合夜市, 夜市照樣因颱風而九成的檔沒有開......
剩下的, 我們選了吃臭豆腐, 點解呢度D 臭豆腐檔檔都咁好味架? 外脆內軟, 仲有我喜愛的酸蘿蔔絲~