此時忽然睡魔急 call (我 5am 都未到就失眠, 波比先生就尋晚通頂睇波), 立即用 google map search 吓邊度有 cafe 要飲杯咖啡,
呢個 trip 真係覺得 google map 係好偉大嘅發明, 雖然之前去旅行都好常用, 但今次仲埋佢嚟搵食搵交通工具, 真係唔洗 plan 都可以去旅行!
附近最近有一間金礦咖啡, 入面的麵包蛋糕都好精緻,
我們叫了芝士蛋糕、燻雞薄餅同埋兩杯咖啡,
你睇, 咖啡杯好可愛啊~ 所有食物都非常滿意呢~
在店外的座位歎歎, 如果唔係有人食煙同埋始終馬路旁好大塵, 應該會更享受~
之後我們要到自助新村, 那是一個新的拍友聖地, 由一條舊村莊變為一個塗鴉天地,
一 search google map, 知道由金礦咖啡旁的公車站, 乘 紅36 公車 就可以到達海青工商站
落車過對面馬路, 經過海青工商就入到自助新村
太大意, 唔記得咗帶腳架呀...........
我哋影咗好多好多相, 好 cute 好得意的場景呢~
之後用 Photoshop 將兩相單人相拼返埋, 變了好多合照, 嘻嘻~
這些照片, 算是「趁後生」的好好回憶了~
再過些時候, 我們實在不可以再擠到這些滿是年青人的地方扮 cutie 的拍照了~
(忽然間好感慨, 因為我們大了, 一些年後, 我們已經四十歲, 然後五十歲, 六十歲......
我開始明白, 點解歷史上有些人會追求長生不老........)
開心拍照後, 我們去了逛巨蛋百貨, 真係好大啊~~~
在紀伊國屋打書釘, 等待夜市開工~
之後, 到了本次旅行第一個高潮:瑞豐夜市
那裡人頭湧湧, 是我們玩了整日高雄, 見到過最多人的地方呀!!!
殺呀! 睇吓有咩食先!!
先來了燒豬手
好脆, 不過味道其實冇咩特別, 脆囉, 又好細份咋....
見到這個聞名的蒙古烤肉, NT130 任夾蔬菜, 配上一份肉, 有專人代燒, 百多元吃到飽, 真係好抵,
不過唔啱我哋呢D 要試好多食物嘅人
呢個酥炸大魷魚, 超正呀!!!
外脆內軟, 冇得彈!!!
再來芝士薯蓉, yummy!
好多玩遊戲的檔~
兜完一圈, 去吃臭豆腐, 咁多都係 NT50, 天呀, 太抵喇~ 又臭又辣, 好味!
然後去了買黑糖牛奶
仲有滷帶子 (咁都得?!)
仲買咗好多滷水食物返酒店, 不過味道一般啦
最好味係呢隻冰燻蛋, 好濃郁的煙燻味, 又溏心, 好特別呀~
台灣遊記 2012 之高雄墾丁台北
[高雄遊記2] 金礦咖啡、自助新村、瑞豐夜市
[高雄酒店推介] 康橋商旅六合夜市中正館
[高雄遊記] 壽山動物園 x 港園牛肉麵
[墾丁遊記] 恆春、港口吊橋、龍磐公園、台灣最南點 x 包車導遊推介
[墾丁遊記] 海岸飯店 - 墾丁大街夜市
[墾丁遊記] 鵝鑾鼻
[墾丁遊記] 墾丁森林遊樂區 x 放牛牛
[墾丁遊記] 阿興生魚片 x 貓鼻頭
[墾丁遊記] 月光咖啡 x 煙花 light painting
[墾丁高雄遊記] 海生館。東港華僑市場
[高雄遊記] 咖啡林咖啡。夢時代。花月嵐拉麵
[高雄遊記] 第五天打風日
[台北遊記] 超正上引水產 x 台北美食
[台北遊記] 花博會場 x GaBee 冠軍咖啡 x 輔大花園夜市
[台北遊記] 最後一天的動物園及貓空纜車
.jpg)
沒有留言:
發佈留言