Check in 時順便買了海生館的門票, 墾丁的飯店民宿都有得代售不同遊樂設施的門票, 還會打折
要到墾丁又唔清楚 book 邊間民宿的話, 可以到以下網站睇睇, 資料都好齊全
http://www.uukt.idv.tw/_tw/map/street_01.php#30
我這次選民宿, 首要條件是有海景, 因為很難得會住在海邊
其次是近大街, 飲食都方便, 於是就鎖定了地圖上最近海的一條街的民宿
查詢了兩家, 其實心儀一間叫海都的, 但佢開天殺價, 我六月中入住佢都硬說是旺季要三千幾台幣一晚, 好過去搶......
於是轉投這間海岸飯店, VIP 面海二人房, 兩晚共 NT5500
搭 lift 上三樓, 仲要上多一層樓梯, 房間都好大
就了為了這露台
嘩, 向左望
向右望
最激係有個浴缸, 可以一邊望海一邊浸浴, 不過講到呢度, 其實我想話我唔太推薦呢間飯店.....
露天浴缸, 其實好污糟, 最後我們連浸腳都唔敢, 早知唔洗咁貴 book 呢種房
這個露台同左右隔離的房間露台只有一小矮牆之隔, 鄰居伸頭一望可以睇到晒你做緊乜...... 欠缺私隱度.....
個浴室好臭, 唔知咩事...... 好似臭垃圾味!!! (因為佢對住後巷?)
沖涼的時候好難頂!
呢張相我係企喺馬桶位置影, 我想話廁所同床中間係完全冇門!!! 浴室又冇浴簾!!!
即是去洗手間同洗白白都會俾你的同伴睇光光!!
除了夫婦以外, 實在完全不適合其他組合人士入住!
另外, 所供應的日用品唔掂, 得兩條毛巾, 沐浴露都冇, 得兩舊番梘仔! 幾耐冇用過番梘沖涼呀!
D 洗頭水用完, D 頭髮係硬到完全梳唔到的, 想死!
最大係衛生問題, D 杯好污糟, 杯底有漬囉! 仲要得兩隻杯咁大把, 都唔知用來飲水好定刷牙好?!
再講埋個電熱水煲, 真係冇眼睇, 內裡的塗層脫落, 又好污糟, 飲完唔肚痛先奇!
整體來說, 這家飯店除了那大露台海景之外, 所有設備都唔合格,
當我們尋日仲住喺好優質的康橋商旅, 今日俾貴一倍的錢卻住了差一大半的海岸飯店,
像由天堂去了地獄, 所以敬告朋友自己小心選擇!
日落黃昏, 可惜多雲
七點幾, 我們向墾丁大街夜市進發,
向南行兜了很長的路才來到大街, 點知之後發現原來飯店有一度後門, 一出行幾十米就入到大街.....
大街長長的, 不過一邊行一邊要避車, 還落住雨實在有點麻煩.....
食物是多, 但又找不到很特別/未見過的款式
先吃了飛魚卵香腸, 台灣的香腸太好味, 不過又知道好多味精同鹽, 適可而止好了
黑糖粉圓, 幾得意的味道
又有大魷魚呀, 尋日吃了炸的, 今日吃燒的, QQ 的肉同惹味醬汁, 讚!
每次到台灣必吃的大腸包小腸, 不過這家不推介, 完全冇配料/醬汁嘅.....
旅遊書介紹了兩家大排長龍的滷味店, 我完全誤會了是滷味 = 滷水
原來係自助夾一D 不同的食物, 讓店員放到滷汁內煮熟,
味道是 ok, 但實在不明白烚熟的食物, 為何要大排長龍呢?
呢間炸雞反而要一讚, 即叫即炸, 有多款唔同的醬汁可選, 好好味, 我們很快消滅了一大盒, 哈哈!
飯店前是海邊, 不時有人放煙花, 好靚啊~
台灣遊記 2012 之高雄墾丁台北
[高雄遊記2] 金礦咖啡、自助新村、瑞豐夜市
[高雄酒店推介] 康橋商旅六合夜市中正館
[高雄遊記] 壽山動物園 x 港園牛肉麵
[墾丁遊記] 恆春、港口吊橋、龍磐公園、台灣最南點 x 包車導遊推介
[墾丁遊記] 海岸飯店 - 墾丁大街夜市
[墾丁遊記] 鵝鑾鼻
[墾丁遊記] 墾丁森林遊樂區 x 放牛牛
[墾丁遊記] 阿興生魚片 x 貓鼻頭
[墾丁遊記] 月光咖啡 x 煙花 light painting
[墾丁高雄遊記] 海生館。東港華僑市場
[高雄遊記] 咖啡林咖啡。夢時代。花月嵐拉麵
[高雄遊記] 第五天打風日
[台北遊記] 超正上引水產 x 台北美食
[台北遊記] 花博會場 x GaBee 冠軍咖啡 x 輔大花園夜市
[台北遊記] 最後一天的動物園及貓空纜車
.jpg)
沒有留言:
發佈留言