先是要吃最後一次的咖吔多早餐, 一早 search 定要去一間叫東亞咖啡茶室,
由酒店行過去都唔遠, 全都是本地人, 不像亞坤的滿是遊客
去到, 冇 menu o架, 我們禮貌的問有咩食, 阿姐唔憂做的用光速背出嗰幾樣食物, 老實說, 正常人係唔會聽得切佢講咩
其實都係前幾日食的咖吔多, 但這裡即叫即烘, 超脆很好吃, 但這個二人份量, 少得有點可憐,
男人吃應該唔夠飽, 建議叫兩份囉
另外就是溫泉蛋同咖啡, 咖啡實在太甜了, 始終不習慣這裡飲品的甜度.....
好了, 之後是搭的士去動物園, Singapore Zoo 在 Singapore 的北面,
其實新加坡的地圖有點像香港, 我們的酒店在大角咀的話, 動物園就在粉嶺,
鐵路不到, 如要硬乘公共交通, 要搭個幾鐘, 的士的話, 半小時就到, 今天時間不多, 的士吧~
其實每次去旅行都有去動物園, 去去吓都覺得冇咩好睇, 今次本來沒打算要到新加坡的動物園,
但後來發現有波比最喜歡的北極熊, 先加插了這行程,
不過有點喜出望外, 這動物園好大, 真的好多動物睇, 即使我已看過很多, 今次還有一些我未見過的動物
下面的金毛豬同埋長牙豬正是, 好得意!!!
大象很活潑, 先玩水
再潑D 沙去自己身上, 好有趣
與以往不同的, 是我們到日本的動物園, 永遠唔知道 D 牌寫咩,
但今次是英文, 認識了很多很有趣的動物知識, 真獲益良多!
最後去了探北極熊, 可惜他就是在睡, 但很近距離的接近他拍照, 也很開心!!
玩完動物園, 搭的士返牛車水, 再碰一次運氣, 去睇睇天天海南雞有冇開, 點知都係冇.....
於是行去 Hong Lim Market & Food Centre, 除了 Maxwell Food Center 外, 這地道的熟食市場也很有名,
行過去都係幾條街, 去到呢, 嘩嘩嘩, 有兩層, 超多的食店,
遇著當地人的放飯時間, 人山人海!
我們在地下行了一圈, 再上二樓睇睇, 最後買咗兩間最多人排隊的 (應該係正嘢呢!!)
這一間, 睇人 blog 都聽聞過, 但只知位置偏遠, 估唔到呢度有分店!! 簡直是超級幸運!!
其實都好吃, 不過呢, 我反而喜歡尋晚食那濃濃湯底的喇沙多一點
波比買了這間, 超長龍!!!
D 咖哩汁真係好好食呀! 雞都算嫩滑, 豆卜吸晒汁好正!!
另外在飲品店買了咖啡同龍眼冰, 超多龍眼, 又清涼解渴!
呢一餐真係又平又好食呀!!
市場出面有水果檔, 呢個旅行, 仲未食到好食的榴槤.......
點知就係今日, 比我遇上了, 但已太飽食唔落住.....
波比提議帶返香港, 咁啱隔離有家品店, 買了個密實盒, 買了一盒蘇丹王榴槤,
返到香港食, 很香很 creamy , 好好食呀!!!
急急腳去機場, 好彩係坐 CX 一早劃晒位唔洗趕,
上機前去了 S 字頭買手信, 人人都買的斑蘭雪芳蛋糕我冇買呀, 太大個了.....
反而買了卷蛋, 同事都讚好好食, 因為中間有芝士, 有點咸香的味道實在好特別!
波比就買了幾盒曲奇, 佢話食過同事買的都好好食喎~
上機前最後一站, 貴賓候機室,
這裡的不是 sell 豪華, 但都有好多食物呀!! 見到有地道的喇沙杯麵添呀, 可惜太飽沒吃了!
只是飲杯可樂, 悠悠閒閒, 完成了這八天的旅程~
開心難忘的太多了, 自從大學之後, 都未試過同朋友一齊搭飛機去旅行,
而家同學都有了自己的家庭, 更加不可能了~
有了新團友, 我這個團長在安排行程時更要事事周到,
吃的餐廳, 去的景點, 都要考慮到朋友的喜好, 怕有地方朋友不想去又不好意思出聲就唔好了,
三人行, 實在爆笑到碌地 XD
朋友還去了大堡礁潛水, 仲有 Sky Dive!!!!
趁自己還行得郁, 真的應該去多D 地方見識同瘋狂一下, 才不枉此生 :D
2014 新加坡 x 悉尼三人行 之序
[2014 新加坡遊記] 出發喇 - 機場貴賓候機室初體驗
[2014 新加坡遊記] 永成餐室胡椒蟹 and 咖吔多
[2014 新加坡遊記] 新加坡環球影城 Have fun at Universal Studio Singapore
[2014 新加坡遊記] Maxwell Food Center x 松發肉骨茶 Song Fa Day & Night Bak Kut Teh
[2014 悉尼遊記] Experience Scoot - 酷航的廉航體驗
[2014 悉尼遊記] 可愛的城市, 煩人的交通
[2014 悉尼遊記] 敗慶的 Sydney Fish Market x Leisure Inn Sydney Central
[2014 悉尼遊記] Harbourside x QVB x Pancakes on the Rocks
[2014 悉尼遊記] 畢生難忘的 Blue Mountain Sydney 之旅
[2014 悉尼遊記] Hiking at Blue Mountain
[2014 悉尼遊記] Our first visit to Hostel x 香港對瑞典兵兵球賽
[2014 悉尼遊記] 很讚的 Central Station Hotel, Paddy's Market and Manly Beach
[2014 悉尼遊記] Manly Walkway x Rion Corso cafe
[2014 悉尼遊記] 好吃又便宜的 Pie Face x Light Rail 體驗
[2014 悉尼遊記] Hunter Valley Tour 之 Walkabout Wildlife Park 親親樹熊仔
[2014 悉尼] Hunter Valley - Chocolate and cheese tasting, wine tasting at vineyard
[2014 悉尼遊記] 最後一晚的高級餐廳靚牛扒 PRIME
[2014 悉尼遊記] Botanic Garden 趴趴走 x 驚險上飛機
[2014 新加坡遊記] 牛車水食街吃個痛快 x The Porcelain Hotel
[2014 新加坡遊記] 東亞咖啡茶室 x Singapore Zoo x Hong Lim Market & Food Centre
.jpg)
沒有留言:
發佈留言