豬欄生活: [2014 悉尼遊記] 敗慶的 Sydney Fish Market x Leisure Inn Sydney Central

2014年3月2日星期日

[2014 悉尼遊記] 敗慶的 Sydney Fish Market x Leisure Inn Sydney Central

遊悉尼, 建議住在 Central Station 附近, 放射式的遊到不同景點都好方便
悉尼的酒店絕對唔平, 搵咗真係好多日, 搵咗 n 個 website, 先搵到平靚正的房間

第一晚住在 Leisure Inn Sydney Central, 其實是看過有台灣人讚這集團的酒店才 book,
不過感覺是 ok 啦, 我後來有兩日住的 Central Station Hotel 比這裡好好多~

我是在酒店的 website 直接 book, 去到先知原來是入住時先俾錢,
http://www.leisureinnsydneycentral.com.au/
問我俾 cash 定卡, 下意識的答了俾卡, 因為根本沒預到要用 cash 在酒店房租,
但後來就覺得蝕了, 澳洲簽 Visa card 普遍要俾 2% charge, 簽 AE 甚至要 3%, 絕對不化算~

酒店就是那種 6pm 收工, reception 都唔會有人, 有事你可 call bell, 但可能要收費先幫你做任何事~
酒店是企理但都有點舊, 澳洲的房間都很奇怪, 沒有牙刷牙膏提供?
攪不清是環保還是為了省錢??

冷氣是中央控制的, 你不能調教度數, 一到埗熱到史的我們實在覺得非常之焗

check out 後寄存行李, 要收 $2 一件, 真是前所未聞......

最騎呢的是......... 攪到我以為唔見咗 passport!!!
Check in 時 reception 得一個女職員, 有其他人等又有電話響, 可能她太忙, 沒有將 passport 還給我,
第二天我 check out 去了藍山先發現不見了 passport, 嚇得半死!!!
一到藍山就打電話回酒店查詢, 職員好老定的答 "It's here", 當堂嬲爆, 好明顯佢係知道有本 passport keep 起咗, 但我 check out 時又冇話我聽,
如果我唔係去藍山, 係去機場先發現, 咁搭唔到飛機邊個負責?!?!?
所以嘛, 我不推介這酒店, 好彩只是住一晚~

放低行李, 已經是兩點半有多, 急急趕去 Fish Market
這一天落住大雨, 穿涼鞋的我舉步為艱......

第一次過悉尼的馬路, 我去過的地方, 都是會行人的綠公仔燈閃, 叫人唔好過馬路喇,
但澳洲的很有趣, 幾秒綠公仔過後, 就是閃閃吓的紅公仔, 嚇得我頓時企咗喺度!
過了一兩次, 先知道閃閃吓的紅公仔 = 閃閃吓的綠公仔, 但真的很嚇人, 亦令人難分幾時仲過得 vs. 幾時唔過得!

行去 Fish Market 要 2km, 唔搭車係因為唔三唔四, 行得去車站又等得 Light rail 嚟, 我都行到去了!
可惜落雨, 涼鞋刮腳, 使我行得很慢, 路很長, 行咗好耐好耐先到!!!

一去到, 見到好多海鷗呀!!

Fish Market 原來不大, 但有好多不同的海鮮, 有冷盤, 又有熱炒同炸物

wow, 這就是旅遊節目常常見到的畫面!!!

逛了一圈, 鎖定了幾間, 但要等位, 又要等埋師妹來會合

見到好恐怖的超巨皇帝蟹, 大到覺得根本唔食得!

齊人買嘢食, 點知D 舖頭話要收工, 唔係嘛.......
最後買到的生蠔, 不是想像中的靚

炸物嘛, 全部都是凍和硬硬的, 只可讚是很好肉

炸魚同炸魷魚倒是不錯~

買不到最靚的海鮮都算了, 但一坐低, 有個職員走埋嚟同我哋講得十分鐘食, 十分鐘後佢哋要閂!
Chi sin! 4pm 就收工, 洗唔洗咁早呀?!?
雖然當時好肚餓, 但真係咩 mood 都冇晒...... 覺得自己好似嘉菲貓咁張大個口倒D 食物落肚, 真係完全唔 enjoy 的一餐.....
幾分鐘後, 真係落閘放狗咁, 拎住未食完的食物, 唔知點算......
好彩第二間舖有D 座位喺舖外唔會收, 我哋先有位坐坐食埋佢~
但忽然, 後面有人射水洗地, 完全冇理過仲有D 客人食緊嘢.....
D 水彈晒落D 食物度, 咁即係唔洗食啦 >.<!!!!

好冇癮地填飽個肚, 仲有好多食物又唔想浪費, 就諗到出去俾海鷗食,
海鷗仔都食得好開心!! 點知餵完晒, 我哋見到個牌............ 你估吓寫乜??

就係 "Don't feed the bird"
哈哈哈, 笑死我哋了..............真係唔好意思, 大鄉里睇唔到個收得咁埋嘅牌..............

及後, 波比先生表演追海鷗, D 海鷗真係行得好攪笑, 係水平的移動,
波比追佢哋一路走, 追得愈快走得愈快, 笑死我同師妹了~

2014年3月2日星期日

[2014 悉尼遊記] 敗慶的 Sydney Fish Market x Leisure Inn Sydney Central

沒有留言:

發佈留言

About Me

大件事

回到過去

分類

搜尋此網誌

最愛瀏覽