沙巴 Day 4 - 神山、波令吊橋 (包車導遊推介)

去到 Day 4, 是我最期待的行程, 是上神山啊!!

在酒店吃了早餐, 終於都有影相
每日都有唔同的芝士



呢度只係一小個 corner, 仲有粥粉麵飯咖哩乳酪, 真係多到當飯食~



市面上有好多神山的 one day tour, 但因為睇過別人的 blog, 想去一個養牛場而一般 tour 都冇包,
咁我就自己搵包車, 在台灣的 backpacker 見到有人讚一個司機導遊劉先生,
於是我就同佢 e-mail 聯絡, 佢好快就覆 e-mail, 包車一日大概港幣 $1000, 都算 ok~
因為去神山真係好好好遠o架, 比我哋上廣州仲遠

8am 在酒店大堂集合, 見到了劉先生, 不過今日佢有另一批爬神山的客人, 所以安排了阿 May 做我哋導遊,
阿 May 識講廣東話的, 實在太好了,
一路佢的服務都好好, 仲請我哋飲嘢, 去了好多地方又介紹了好多嘢俾我哋聽~
真係好值得推介呀, 想 book 的朋友可以用 e-mail 聯絡劉先生: liewcheeliong57@yahoo.com

我們出發了, 開了兩小時車先到第一個停靠點, 可以去個洗手間
那裡有一個小市集, 賣的都是遊客嘢, 不大興趣



這裡可以遠望神山, 是同神山影合照的好地方 (因為之後再開車, 如果又唔去牛場的話, 其實冇第二個位可以影到神山)

我很想說: 今天的天氣好得不得了!!! 藍天白雲曬死人, 對比起昨日的滂沱大雨, 很係好感恩!



在這裡, 可以發呆幾個小時都的, 看著壯麗雲不停飄過, 每一刻都是不同的景象
這座很高很高的就是神山了! 阿 May 話山頂長期都有一層雲蓋住



所謂神山一日遊, 其實只是到此一遊, 搭個車去到神山已矣,
有D 爬山好手會住上兩日一夜, 2am 起身去爬上 4095呎高的神山看日出, 所謂的「攻頂」
我們沒此能耐, 唯有助麥兜一臂之力, 等佢替我們攻頂啦



拍完一輪照片, 我們又起行了, 經過公路上的一些攤檔, 阿 May 停了車, 叫我們可以買買水果手信
這裡有很多特別的水果, 可以先試食再買,
最後我們買了一些卜卜脆的手信



車繼續行, 到了 11:30am 我們終於都到達了波令,
阿 May 話我哋可以決定睇唔睇大花, 要自己付費的,
其實都好呃錢吓, 我記得好似兩個要成 HKD80 , 先可以睇一睇呢朵全馬拉 (?全世界)最大的花,
只係一場嚟到, 冇理由唔睇吓咁解, 但真係覺得唔太吸引囉.....



之後我哋入去波令的溫泉吊橋區, 又係自費的



呢度有溫泉, 不過除咗日本, 我哋都唔會喺其他地方浸囉, 感覺好污糟......



過了溫泉就入深山, 真係行D 好山路的山路, 一路上呀上, 其實我都唔係好知一路會係點



原來行行行, 就會去到吊橋, wow, 波比最鍾意玩呢D 刺激嘢



我想話我哋係喺十幾層樓咁高行緊吊橋, 如果望落去, 好恐怖!!!!



呢個鬼佬好勁! 單手抱住個仔嚟玩! 但係佢太太好驚! 驚到唔敢行~
我初時都以為係 hea 玩, 點知原來要行過 6 條吊橋先玩完, 冇得返轉頭囉.................



嘻嘻, 好好玩, 順利完成~
之後係可以行山, 有 400m 至 3km 的山路, 終點有唔同的景色,
不過時間所限, 我哋只可以行 400m 的去睇瀑布, 去到瀑布區超涼快啊~~
(此時我已經大汗到發臭......)



跟住就會合阿 May, 去了溫泉公園對面的一間餐廳食飯, 不過好勞氣,
明明我哋嚟先, 但佢有幾枱旅行團的客就淨係掛住出菜俾佢哋,
我們等了 40分鐘都完全冇理過我哋個 order,
催咗幾次先到, D 嘢仲要勁勁勁難食同冇味囉........... 真係好差呀! >.<

沙巴遊記 2012 - 結婚五週年之旅

沙巴 Day 1 下集 - 洪金買 x 榴槤 x 燒海燒

沙巴 Day 2 - Sunday Market and Snorkeling@Mamutik island

沙巴 Day 2 - 怡豐 x 大茄來 x 串燒 x 富源

沙巴 Day 3 - Lokawi Zoo

沙巴 Day 3 - 五星海南雞 x 再見螢火蟲

沙巴 Day 4 - 神山、波令吊橋 (包車導遊推介)

沙巴 Day 4 - DESA 牛奶工廠

沙巴 Day 5 - Coffee Bean and 瓊萬興